İslam İnqilabı Rəhbərinin əhali sahəsində fəaliyyət göstərən bir qrup xalq fəalının məktubuna cavabı

Milli Əhali Günü münasibətilə yayımlanan cavab məktubunun mətni belədir:

Bağışlayan və mehriban Allahın adı ilə

Əhali sahəsində çalışan qayğıkeş fəalların məhəbbət və məsuliyyət hissinə görə salam və təşəkkürümü bildirirəm.

Üçüncü Müqəddəs Müdafiənin və artıq hamıya aşkar olduğu kimi xalqın misilsiz dirçəlişi nemətinin dəyərli nailiyyətlərindən biri İranın böyük və təsirli bir güc səviyyəsinə yüksəlməsidir. Şübhəsiz ki, bu vəziyyətin davamı və daha üstün mərhələyə çatması əhali məsələsi ilə birbaşa bağlıdır. Əhalinin artırılması zərurəti məsələsinə bəzən keçmiş siyasətlərin yaratdığı bəzi çatışmazlıqların aradan qaldırılması baxımından baxılır, lakin bundan əlavə, əhalinin artırılması istiqamətində düzgün və qəti siyasətin ciddi şəkildə davam etdirilməsi ilə böyük İran xalqı gələcəkdə böyük rol oynamaqları və strateji sıçrayışlar yaşaya, yeni İslami olan İran sivilizasiyasının yaradılması istiqamətində böyük addımlar ata bilər. Buna görə də, əhali sahəsində çalışan xalq fəallarının artan səyləri və övlad sahibi olma mədəniyyətinin təşviqi bu işıqlı gələcəyin təmin olunması istiqamətində mühüm təsir göstərə bilər.

Digər tərəfdən, bu məsələ şəhid şəni uca olan Rəhbərimizin (Allah onun uca məqamını daha da yüksəltsin) ən mühüm qayğılarından biri idi və o, bir çox iclaslarda, münasibətlərdə, ümumi və xüsusi görüşlərdə buna təkid edirdi. Bu məsələ hələ də İslam quruluşunun ən mühüm strateji məsələlərindən hesab olunur. Ümid edilir ki, sizin ixlaslı səyləriniz ağamızın (Allah onun zühurunu tezləşdirsin) xeyir-duası kölgəsində bol nəticələr verər, inşallah.

Seyid Müctəba Hüseyni Xamenei

19.05.2026