İslam İnqilabının Möhtərəm Rəhbərinin Ayətullah Seyid Əli Xameneinin şəhadətinin 40-cı günü münasibətilə mesajı və Üçüncü İraq İlhakı Müharibəsi məsələləri

Bağışlayan və mehriban Allahın adı ilə

Həqiqətən, Biz sənə parlaq bir qələbə bəxş etdik!

Beləliklə, Allah sənin keçmiş və gələcəkdə sənə aid etdikləri günahları bağışlasın, Öz nemətini sənə tamamlasın və səni doğru yola yönəltsin.

Və Allah sənə məğlubiyyətsiz bir yardım göstərsin. (Fəth surəsi, ayə 1,2,3,4)

Düşmənlərin İslam və İrana qarşı törətdiyi ən böyük cinayətlərdən və bu millətin tarixindəki ən ağır ümumi müsibətlərdən birindən qırx gün keçir; İslam İnqilabının böyük Rəhbəri, İran xalqının atası, İslam ümmətinin rəhbəri və çağımızda haqq axtaranların öndəri, İranın və müqavimət cəbhəsinin şəhidlərinin ağası, böyük Xameneinin şəhadətinin ürəkdağlayan şəhadətindən qırx gün ötür.

Qırx gündür ki, şəhid Rəhbərimizin uca ruhu İlahi yaxınlığın civarında övliyaların, siddiqlərin və şəhidlərin süfrəsinin qonağı olmuş və eyni zamanda yaxud bunun ardınca çoxlu sayda köməkçilər, komandirlər və İslam döyüşçüləri, eləcə də bir neçə günlük körpələrdən tutmuş yaşlı insanlara qədər məzlum həmvətənlər də bu böyük feyzə nail olmuşlar.

Qırx gecə-gündüzdür ki, Uca Allah bu ümmətin Rəhbərini Öz görüşünə çağırıb, lakin bu dəfə Kəlimullahın (Musa Peyğəmbər) dövründə baş verənin əksinə olaraq, şəhid Rəhbərin səhabələri və onun ümməti haqqı bərqərar etmək və batillə qarşı-qarşıya gəlmək üçün ayağa qalxdılar və möhkəm dağlar kimi Samirinin və onun buzovunun qarşısında dayandılar, alovlu vulkan kimi təcavüzkarların və fironların başına yağdılar.

Qırx gecə-gündüzdür ki, dünya hegemonları aldadıcı və yalançı maskaları öz simalarından götürərək qətl və zülmün, təcavüz və yalanın, fironluq və uşaq qətlinin, istibdadın və fəsadın çirkin və şeytani simasını nümayiş etdirirlər.

Amma bunun qarşısında qırx gecə-gündüzdür ki, böyük Xomeyninin və əziz şəhid Xameneinin qeyrətli övladları, eləcə də həqiqi Məhəmməd İslamının (Allahın salamı Ona və ailəsinə olsun) davamçıları misilsiz bir səy və şücaətlə meydanlarda, küçələrdə və döyüş səngərlərində hazırdırlar və düşmənin vəhşicəsinə hücumunun zərbələrinə və itkilərinə baxmayaraq, üçüncü tətbiq olunmuş müharibəni Üçüncü Müqəddəs Müdafiə dastanına çevirmişlər. Agah və ayıq İran xalqı göstərdi ki, şəhid Rəhbərinin ayrılıq həsrətindən qəmgin və müsibət içindədir, lakin Hüseynin Aşurasının vasitəsiz varislərinə qoşularaq bu dağdan dastan, mərsiyədən isə rəcəz yaratdı. Bütün bunlar tam silahlanmış düşməni heyrət və çıxılmaz vəziyyətdə qoymuş, dünya azadlıqsevərlərini isə təqdirə vadar etmişdir. Bu dəfə hegemonların cəhaləti və nadanlığı səbəb oldu ki, 2026-cı ilin mart ayı İran və İslam inqilabının qüdrətinin artmasının və adının yüksəlməsinin yeni fəslinin başlanğıcı olsun və İslami olan İranının bayrağı təkcə ölkəmizin coğrafiyasında deyil, dünyanın haqqsevər insanlarının qəlblərinin dərinliyində dalğalansın.

Bu münasibət şəni uca olan Rəhbərin qısa şəkildə tanıdılması üçün yaxşı fürsətdir. Söhbət o qədər məşhur olan, amma tanındığı qədər tanınmayan bir insandan gedir. Hamı bilir ki, bizim şəhid Rəhbərimiz zamanına agah və bəsirətli fəqih, yorulmaz mücahid, dağ kimi möhkəm və sarsılmaz insan, əməl sahibi və rəbbani alim, zikr, gecə ibadəti, İlahi dərgaha yalvarış və məsumların müqəddəs zatlarına təvəssül əhli idi və qəlbinin dərinliyindən İlahi vədlərə iman bəsləyirdi. Onun başqa xüsusiyyətlərindən biri də İrana məhəbbəti və əziz İranın daha çox müstəqil olması üçün daimi səyi idi, bununla yanaşı, söz birliyi və milli həmrəyliyə də təkid edirdi. O, bir ömrü İslam quruluşunun bərqərar olması, möhkəmlənməsi və qalması yolunda keçirdi və eyni zamanda onun nəzərində xalq olmadan İslam Respublikası mənasız görünürdü. Bütün qüdrət və möhkəmliyinə baxmayaraq, düşüncədə və məsələlərə baxışda böyük incəliyə malik idi. Ölkənin potensiallarına, xüsusilə də gənclərə xüsusi diqqət yetirirdi. Elmə, texnologiyaya və onların sayəsində əldə olunan tərəqqiyə əhəmiyyət verirdi. Şəhid ailələrinə, qazilərə və əziz canından keçən fədakarlara (müharibə veteranlarına) xüsusi ehtiram bəsləyirdi. Müxtəlif sahələrdə bəzən onilliklərə söykənən qiymətli və zəngin təcrübələrə malik idi və çoxsaylı başqa xüsusiyyətləri də vardı ki, bunlar uzun bir siyahını təşkil edir. Bu günlərdə bəzi media vasitələrində onun incəsənəti, incəsənətşünaslığı və incəsənət adamlarını himayə etməsi barədə dəfələrlə danışılır. Bu xüsusiyyət, hərçənd təkbaşına bir insanın şəxsiyyətinə böyük dəyər qata bilər və şübhəsiz ki, əziz Rəhbərimizdə həqiqi mənada və ən yüksək səviyyədə mövcud idi, lakin onun başqa xüsusiyyətləri və üstünlükləri ilə müqayisədə kiçik görünür. Mən şəxsən onda çoxsaylı sənətlər görmüşəm: Onun az diqqət yetirilən böyük sənətlərindən biri böyük xalq kütlələrinin və ictimai qrupların düşüncələrini, ruhiyyələrini və hisslərini formalaşdırmaq yolu ilə cəmiyyəti tərbiyə etmək və yetişdirmək sənəti idi.

Onun başqa bir sənəti məqsədyönlü qurumlar yaratması idi ki, xüsusilə rəhbərlik dövrünün ilk illərində uzaq üfüqləri nəzərə alaraq buna təşəbbüs göstərmişdi.

Onun başqa bir sənəti ölkənin hərbi strukturunu gücləndirməsi idi ki, İran xalqı son iki tətbiq olunmuş müharibədə bunun müsbət nəticələrindən xəbərdar olmuş və faydalanmışdır. Həmçinin elmi, strateji və ölkə siyasətini müəyyənləşdirmə sahələri də daxil olmaqla müxtəlif ölçülərdə yenilik və təşəbbüs göstərmək qüdrəti də onun başqa sənətlərindən idi ki, bunun bir hissəsi sistemin ümumi siyasətlərinin hazırlanmasında öz əksini tapmışdır. Eləcə də sözləri və yeni (milli dildə olan) ifadələri lazımlı zamanda yaratmaq yolu ilə məna yaratmaq qüdrəti də onun başqa sənətlərindən idi; belə ki, həmin söz və ifadələrin hər biri böyük mənalar yaradır və daşıyırdı, bundan da ümumi ictimai fikir formalaşırdı. Həmçinin onun uca ruhunun çətinliklər, imtahanlar və müsibətlər nəticəsində cilalanması, haqq yolunda səbir və müqavimət göstərməsi nəticəsində əldə etdiyi sənətlərdən biri də uzaq hadisələri qabaqcadan görmək sənəti idi, çünki hədis buyurur: “Mömin Allahın nuru ilə baxır”. Bundan başqa, onun elə sənətləri vardı ki, bunların hamısını bu qısa yazıda sadalamaq mümkün deyil.

Bütün bu sənətlərin və üstünlüklərin mənbəyi yalnız İlahi xüsusi inayətlər və ağamızın (İmam Zamanın), eləcə də onun pak atalarının diqqəti idi. Bəlkə də bu inayət və diqqətlərin o böyük şəxsiyyətə yönəlməsinin səbəbini onun haqq sözünün ucaldılması yolunda dayanmadan və ixlasla göstərdiyi səy və mübarizədə xülasə etmək olar. Amma xüsusilə xəyanətkar Pəhləvi hakimiyyəti ilə mübarizənin çətinliklərindən başqa, o, vəzifəsini yerinə yetirmək yolunda başqa bir xüsusi fürsətdən də çox faydalanmışdı ki, adətən insanlar bundan xəbərsizdirlər. Belə təqdir olunmuşdu ki, şiddətli şəkildə elm axtaran və əlbəttə, əməl sahibi olmaq istəyən gənc seyid, hörmətli atasının korluq təhlükəsi ilə üzləşdiyi bir vaxtda, illərlə ali məqamlı ustadların hüzurunda diz vurub oturduqdan sonra Qumdakı bütün zahiri elmi tərəqqi və gələcəyi qurmaq imkanlarını kənara qoyaraq İlahi lütfə güvənib özünü atasına xidmətə həsr etsin. Bu fədakarlıqdan sonra İlahi lütf belə təzahür etdi ki, Seyid Əli Xamenei otuz yaşına çatmamış Xorasan torpağından bir günəş kimi doğdu və çox keçmədən fikri və mübarizəvi dayaqlardan biri hesab olundu, eyni zamanda adi elmlərdə də nəzərəçarpacaq inkişaflar göstərdi; elə ki, yetmişinci illərdə SAVAK onu Xorasanın Xomeynisi adlandırmışdı. Qeyd etməliyəm ki, o böyük şəxsiyyətin bu batini və zahiri yüksəliş prosesi sonrakı mərhələlərdə də davam etdi. İndi böyüklərin, xüsusilə də belə bir şəxsiyyətin davranışından dərs almaq məqamında, bir-birinə səmimi xeyirxahlıq etməyi və qarşılıqlı yardım ruhiyyəsini öz yolumuz etmək çox yerinə düşər. Bu xüsusiyyət və onunla yanaşı İlahi sonsuz rəhmətə ümid bəsləmək, haqq bayrağı altında duranlarla batil bayrağı ətrafında toplaşanlar arasındakı mühüm fərqdir. Şübhəsiz ki, belə bir yolun davam etdirilməsi səma qapılarının açılmasına və müxtəlif İlahi və qeybi yardımların nazil olmasına səbəb olacaqdır; istər rəhmət yağışının yağması, istər düşmənə qalib gəlmək, istərsə də elmi və texnoloji tərəqqilər olsun.

Bu günlərdə dəfələrlə eşidilir ki, əziz xalqımızın müxtəlif təbəqələri haqlı olaraq və həsrətlə dövranın misilsiz şəxsiyyətini xatırlayırlar və getdikcə onun uca şəxsiyyətinin parlaq mahiyyətinin daha çox tərəfləri üzə çıxır. Həmçinin onun müəyyən davranışlarına təqlid etmək də getdikcə yayılır, o cümlədən əziz xalqımız onun şəhadət anındakı düyünlənmiş yumruğundan çox dərslər aldı və indi həmin düyünlənmiş yumruq bəziləri üçün bir növ ortaq etiqadi rəmzə çevrilmişdir. Beləcə bir daha sübut olunur ki, şəhidin təsiri yaşayan fərddən daha çoxdur və onun tövhidə, haqqsevərliyə, zülm və fəsadla mübarizəyə çağıran gur səsi həyat dövründəkindən daha gur səslənir, mesajı isə daha təsirli olur. Həmçinin bu qədir-qiyməti böyük olan şəhidin ürəyinin arzusu olan bu millətin və digər müsəlman xalqların səadəti əvvəlkindən daha çox gerçəkliyə yaxınlaşmışdır.

Ey həmvətən bacı və qardaşlar! Bu gün və Üçüncü Müqəddəs Müdafiə dastanının indiki mərhələsinə qədər qətiyyətlə demək olar ki, siz, qəhrəman İran xalqı, bu meydanın qəti qalibi olmusunuz.

Bu gün İslam Respublikasının böyük bir qüdrət kimi yüksəlişinin başlanğıcı və hegemonluğun zəifləmə enişinə yuvarlanması hamının gözü önündə aşkar olmuşdur. Bu, şübhəsiz ki, şəhid Rəhbərimizin və digər kəfəni qanlı şəhidlərin, məzlum həmvətənlərin və Minab şəhərindəki “Şəcəreyi-Təyyibə” məktəbinin solmuş çiçəklərinin qanının bərəkəti, millətin bütün fərdlərinin İlahi dərgaha təvəssülləri və yalvarışları, onların meydanlarda, məhəllələrdə və məscidlərdə mücahidcəsinə iştirakı, həmçinin SEPAH, ordu, təhlükəsizlik orqanlarının, Kəşfiyyat Nazirliyinin adsız əsgərləri və sərhədçilər sıralarında İslamın canını əsirgəməyən döyüşçülərinin minnətsiz və ixlaslı fədakarlıqları nəticəsində İran xalqına əta olunmuş İlahi bir nemətdir. Bu nemət də digər nemətlər kimi şükr edilməlidir ki, davamlı və artımlı olsun, çünki Quran buyurur: “Əgər şükür etsəniz, mütləq, sizə verdiyim neməti daha çox artıraram”. Bu nemətin əməli şükrü güclü İrana çatmaq üçün dayanmadan çalışmaqdır.

Hazırkı mərhələdə bu şüara və şəhid Rəhbərin strateji hədəfinə çatmaq üçün zəruri görünən məsələ əziz xalqımızın geridə qoyduğu qırx gündə olduğu kimi iştirakını davam etdirməsidir. Bu iştirak indi qüdrətli İranın yerləşdiyi məqamın mühüm dayaqlarından biridir.

Buna görə də düşmənlə danışıqların aparılacağı bildirildikdə küçələrdə iştirakın artıq lazım olmadığı düşünülməməlidir. Əksinə, əgər zərurət səbəbilə hərbi qarşıdurmada sükut hökm sürürsə, meydanlarda, məhəllələrdə və məscidlərdə iştirak etmək imkanı olan insanların üzərinə düşən məsuliyyət əvvəlkindən də ağır nəzərə çarpır.

Şübhəsiz ki, sizin meydanlardakı fəryadlarınız danışıqların nəticəsinə təsir göstərir. Necə ki, İran üçün “Can fəda etmək” kampaniyasının heyrətamiz və getdikcə artan milyonlarla iştirakçısı da bu sahədə təsirli amillərdəndir. Uca Allahın izni ilə, bu rol oynamaq və onun davam etməsi nəticəsində İran xalqının qarşısında duran mənzərə onlar üçün əzəmətli, parlaq, izzət, başucalığı və rifahla dolu bir dövrün müjdəsini verir. Bizim şəhid Rəhbərimiz rəhbərliyi öz üzərinə götürdüyü zaman İslam Respublikası İslam və İran düşmənlərindən çoxlu yaralar almış, lakin onların hamısına yaxşı tab gətirmiş bir fidan kimi idi. Amma təxminən 37 ildən sonra ümmətin rəhbərliyi məqamını tərk etdikdə kökü möhkəm, budaqları isə regionun və dünyanın mühüm hissələrinə kölgə salan pak bir ağacı yadigar qoydu. “Daha güclü İran”a çatmaq yolu cəmiyyətin müxtəlif təbəqələri arasında birliyin yaranmasından keçir ki, bu da onun dəfələrlə vurğuladığı məsələlərdən idi. Bu qırx gündə həmin vəhdətin diqqətəlayiq bir hissəsi gerçəkləşdi: insanların qəlbləri bir-birinə yaxınlaşdı, müxtəlif baxışlı təbəqələr arasındakı buzlar əriməyə başladı, hamı vətən bayrağı altında toplandı və bu birliyin həm sayı, həm də keyfiyyəti gündən-günə artır. Hələ bu cür iştirak etməyənlərin çoxu da ürəkdən meydanlarda olanlarla həmfikirdir və onlarla eyni hissləri bölüşür.

Bu günlərdə çoxları uzaq üfüqlərə baxaraq sivilizasiya yönümlü bir baxış yaşayır və özləri üçün xəyali deyil də, bu günün və gələcəyin reallıqlarına söykənən bir mənzərə yaradırlar. Bu xüsusiyyət bir müddət əvvələ qədər yalnız az sayda insanda görünürdü ki, şəhid Rəhbər həmin insanların başında dayanırdı. Beləcə hər bir müşahidəçi bu millətin sürətli və möcüzəvi inkişafını dərk edir və səbəbsiz deyil ki, bu günlərdə dövrün məşhur hikmət sahibi və qədir-qiyməti uca olan fəqihi sizin bu məqamınızdan danışarkən dəfələrlə boğazındakı qəhər onun danışmasına mane olurdu.

Elə bu məqamda İranın cənub qonşularına deyirəm ki, siz bir möcüzəni görürsünüz. Elə isə düzgün görün, düzgün anlayın, düzgün mövqedə dayanın və şeytanların yalan vədlərinə qarşı bədgüman olun. Biz hələ də sizin tərəfinizdən uyğun bir reaksiya gözləyirik ki, qardaşlığımızı və xeyirxahlığımızı sizə göstərək. Bu isə yalnız sizin hegemonlardan üz çevirməyinizlə mümkündür, həmin hegemonlar sizi alçaltmaq və istismar etmək üçün heç bir fürsəti əldən vermirlər. Hamı bilməlidir ki, Uca Allahın izni ilə ölkəmizə hücum etmiş cinayətkar təcavüzkarları qətiyyən sərbəst buraxmayacağıq. Dəyən bütün zərərlərin təzminatını, şəhidlərin qan bahasını və bu müharibənin qazilərinin diyəsini (qan bahasını), mütləq, tələb edəcəyik və Hörmüz boğazının idarə edilməsini də, mütləq, yeni mərhələyə keçirəcəyik. Biz müharibə istəməmişik və istəmirik də, lakin heç vaxt öz haqqımız olan hüquqlardan əl çəkməyəcəyik və bu istiqamətdə bütün müqavimət cəbhəsini vahid şəkildə nəzərdə tuturuq.

Bu mərhələdə bizə məxsus olanlara çatana qədər, birincisi, millətin bütün fərdləri bir-birlərini nəzərə almağa çalışsınlar ki, hər müharibənin təbii nəticəsi olan çatışmazlıqlar səbəbilə müxtəlif təbəqələrə daha az təzyiq düşsün. Əlbəttə, bu çatışmazlıqların bəzisi qarşı tərəfdə sizdən daha çox mövcuddur və qardaşlarınızın və bacılarınızın hökumətdə və başqa qurumlarda göstərdiyi səylər sayəsində xeyli dərəcədə nəzarətə götürülüb.

İkincisi, qulaqlarımızı, yəni beynin və qəlbin pəncərəsini düşmənin dəstəklədiyi və ya onunla həmfikir olan media vasitələrindən qorumaq zəruridir. Şübhəsiz ki, həmin media orqanları İran ölkəsinin və xalqının xeyrini istəmirlər və bu məsələ dəfələrlə sübut olunmuşdur. Buna görə də ya ümumiyyətlə onlarla qarşılaşmaq və onlardan istifadə etməkdən çəkinək, ya da ən azı onların təqdim etdiyi hər şeyə böyük şübhə ilə yanaşaq.

Üçüncüsü, əziz xalq şəni uca olan Rəhbərinin şəhadəti münasibətilə rəsmi matəm müddəti başa çatdıqdan sonra matəm libasını çıxarsa da, onun pak qanının və ikinci və üçüncü tətbiq olunmuş müharibənin bütün şəhidlərinin intiqamını almaq əzmini ruhunda və qəlbində diri saxlayır və daim bunun gerçəkləşməsini gözləyir.

Sonda ağamız Həzrət Sahibəz-Zamana (Allah onun zühurunu tezləşdirsin) müraciətlə deyirəm ki, biz Uca Allaha iman, məsum imamların müqəddəs zatlarına təvəssül və şəhid Rəhbərimizə iqtida edərək sizin bayrağınız altında, küfr və hegemonluq cəbhəsinin qarşısında dayanmışıq və bu yolda ölkənin izzəti, müstəqilliyi, İslamın və İslam İnqilabının yüksəlişi naminə müxtəlif təbəqələrdən olan dəyərli şəhidlər vermişik, başqa zərərlər də görmüşük. İndi isə bütün varlığımızla sizin xüsusi duanıza bağlanmışıq ki, istər danışıqlar meydanında, istərsə də döyüş meydanında düşmən üzərində qəti qələbə əldə olunsun və ümid edirik ki, həm biz, həm də düşmənlərimiz bunun möcüzəvi təsirini çox tezliklə görəcəyik, inşallah.

Allahın salamı, rəhmət və bərəkəti sizin üzərinizə olsun.

Seyid Müctəba Hüseyni Xamenei

09.04.2026