Xəbər
Türkmənistan Xalq Məsləhət Şurasının sədri cənab Qurbanqulu Berdiməhəmmədov Həzrət Ayətullah Xamenei ilə görüşü
Türkmənistan Xalq Məsləhət Şurasının sədri cənab Qurbanqulu Berdiməhəmmədov və onu müşayiət edən nümayəndə heyəti 28.08.2024-cü il tarixdə çərşənbə günü günorta saatlarından sonra İslam İnqilabının Rəhbəri Ayətullah Xamenei ilə görüşüb söhbət edib.
Bu görüşdə Ayətullah Xamenei İran və Türkmənistan əlaqələrinin genişləndirilməsini qeyd etdi:
"İran və Türkmənistan əlaqələrinin genişləndirilməsinin bir çox üstünlükləri vardır. Bu əlaqələr son illərdə yaxşı formada genişlənib, lakin daha çox əməkdaşlıqlar üçün bir çox imkanlar da mövcuddur ki, onlardan istifadə olunmalıdır".
O Həzrət daha sonra iki ölkə arasındakı inkişaf layihələrinin daha da artırılmasını vurğuladı:
"İki ölkə arasında Cənub-Şimal avtomobil yolu və Türkmənistan qaz kəmərinin inkişafı kimi layihələr iranlı ekspert və mütəxəssislərin iştirakı ilə İran və Türkmənistan arasındakı səmimi dostluq əlaqələrini öncəkindən daha da gücləndirəcəkdir".
28/08/2024
